“Səhiyyə sistemi” işçi qrupunun 05.08.2022 - ci il tarixində növbəti iclası keçirilmişdir

Biznes Mühiti və Beynəlxalq Reytinqlər üzrə Komissiyanın “Səhiyyə sistemi” işçi qrupunun   05.08.2022 - ci il tarixində video - konfrans formatında növbəti  iclası başa çatdı. Səhiyyə Nazirliyi, TƏBİB,  İcbari Sığorta üzrə Dövlət Agentliyi, Əmək və Əhalinin Sosial Müdafiə Nazirliyi, Dövlət Statistika komitəsi, və Səhiyyə Nazirliyinin İctimai Səhiyyə və İslahatlar Mərkəzinin Biznes Mühiti və Beynəlxalq Reytinqlər üzrə Komissiyasının “Səhiyyə sistemi” işçi qrupunun aidiyyəti nümayəndələrinin iştirak etdiyi iclasda “Səhiyyə sistemi”  işçi qrupunun   Fəaliyyət Planı  təsdiq olunduqdan sonra, Fəaliyyət Planına müvafiq olaraq  görülmüş işlər,  yaxın gələcəkdə  görüləcək tədbirlərin müzakirəsi geniş formatda  aparıldı.  İlk olaraq, işçi qrupun sədri, nazir müavini R. İsmayılov,  Səhiyyə Nazirliyinin fəaliyyəti barədə   geniş məlumat  verdi, daha sonra digər iştirakçıların çıxışları dinlənildi. Növbəti görüşlər üçün həyata keçiriləcək fəaliyyət istiqamətləri barədə təkliflər verildi.

İclasın sonunda Əhalinin sağlamlığının yaxşılaşdırılması istiqamətində  yeni maarifləndirici mobil tətbiqlər və internet-portallarının istifadəyə  verilməsi ilə bağlı, eyni zamanda psixi sağlamlığın yaxşılaşdırılması sahəsində görüləcək işlər barədə yekun qərar verildi.

×