“Müqavilələrin icrası, mübahisələrin həlli, müəssisənin bağlanması və müflisləşmə, məhkəmə sistemi və hüququn aliliyi” işçi qrupunun növbəti görüşü keçirilib.

“Azərbaycanda Amerika Ticarət Palatası” İctimai Birliyi tərəfindən Azərbaycanın biznes mühitinin daha da təkmilləşdirilməsi baxımından bank, maliyyə, sığorta, məhkəmə, rəqəmsal texnologiyalar, satınalma, əmək, vergi, gömrük və digər sahələrdəki qanunvericiliyə dəyişikliklərlə bağlı tövsiyə və təklifləri əhatə edən “Ağ sənəd” (“White paper”) hazırlanmışdır.

Sənəddə “Müqavilələrin icrası, mübahisələrin həlli, müəssisənin bağlanması və müflisləşmə, məhkəmə sistemi və hüququn aliliyi” işçi qrupunun fəaliyyət istiqamətlərinə aid edilən təkliflərlə əlaqədar, işçi qrupun cari ilin fəaliyyət planında tədbirlərin nəzərdə tutulması üçün video-konfrans formatında görüş keçirilib.

İclasda məhkəmə və icra sahəsində “Ağ sənəd”də nəzərdə tutulan təkliflərin müzakirəsi aparılmış və müvafiq təkliflərlə bağlı qanunvericilikdə edilmiş son dəyişikliklər, eləcə də Ədliyyə Nazirliyi tərəfindən hazırlanmış layihələrlə bağlı məlumatlar İctimai Birliyin nümayəndələrinin diqqətə çatdırılmışdır.

Tədbirə Ədliyyə Nazirliyinin, Ali Məhkəmənin və Məhkəmə-Hüquq Şurasının nümayəndələri qatılıblar.

 

×